Durante a próxima semana, do 4 ao 9 de abril, un grupo de dez alumnos de primeiro de bacharelato e dúas profesoras viaxarán a Cracovia (Polonia) para participar na terceira mobilidade de alumnado do proxecto europeo Erasmus + KA2 STAGE (Steps To Achieve Gender Equality).
Alí reuniranse cos socios do proxecto (de Romanía, Polonia e Turquía) para reflexionar sobre estereotipos na sociedade de cada un dos países, participar en obradoiros sobre igualdade e continuar coa elaboración dos plans de igualdade de cada centro.
